Nangin madinalag-on ang ginpatigayon sang Bombo Radyo Philippines nga Dugong BOMBO 2026: “A Little Pain, A Life to Gain,” nga nationwide blood donation drive in partnership with the Bombo Radyo Philippines Foundation, Inc. and Philippine Red Cross kahapon, Nobyembre 14.
Nakakolekta ang Dugong Bombo sang 1,964,250 cubic centimeters katumbas sang 1,964 liters sang dugo, 518 gallons ukon halos 10 drums sang dugo gikan sa 4,365 successful blood donors nationwide.
Dako ang pagpasalamat sang Bombo Radyo Philippines sa tanan nga madinalag-on nga nagdonar sang dugo kag sa mga nagparehistro apang wala ginpahanugutan nga magdonate sang dugo bangud wala nakapasar sa medical screening.
Kasubong man ang tanan nga partners, local government units, civic and community organizations, volunteers, kag iban pa nga grupo nga nagpalab-ot sang suporta agud mangin madinalag-on ang Dugong Bombo 2026.
Ang halos 10 drums sang dugo nga nakolekta ang makabulig agud madugangan ang supply sang dugo sa mga blood bank ilabi na nga madamo sang nagakinahanglan sang blood transfusion kag para sa emergency medical needs.
Paagi sa pagbinuligay, mas madamo nga pasyente ang makabaton sang dugo nga mahimo makaluwas sang ila kabuhi.
Indi lamang ini isa ka blood donation drive, ginapakita sang DUGONG BOMBO ang matuod nga pagpalangga sa isigkatawo, pagbulig, kag baganihan.
Bilang pagpasalamat, ang mga successful blood donors ang nakabaton sang Dugong Bombo T-shirt, hot meals, vitamins, snacks, kag refreshment.
Sa tanan nga nagdonar sang dugo, nagpakigbahin, nagboluntaryo, kag nagsuporta sa sini nga kampanya, MADAMO GID NGA SALAMAT sa inyo.
