Opisyal na nga ginlunsyar sang Bombo Radyo Philippines ang “Dugong Bombo: A Little Pain, A Life to Gain” – isa ka blood donation drive in partnership sa Philippine Red Cross.
Ini ang commitment sang Bombo Radyo Philippines sa pagpromote sang boluntaryo nga pagdonar sang dugo pinaagi sa nationwide nga programa.
Ang “Dugong Bombo” natalana nga patigayunon sa Nobyembre 16, 2024, sa 24 ka mga key cities kun sa diin naga-operar ang 31 ka fully digitalized Bombo Radyo kag Star FM stations.
Sang tinalikdan nga tuig, ang Bombo Radyo ang madinalag-on nga nakakolekta sang 2,502,450 CC sang dugo, nga katumbas sang 2,502.45 liters, 661.08 gallons ukon 12.02 ka drums sang dugo, nga sarang makadugang sa supply sang dugo sa pungsod.
Humalin sang ini ang ginsuguran masobra isa ka dekada na ang nakaligad, ang Dugong Bombo ang nagacontribute sang average nga 18 ka drums sang dugo kada tuig sa Philippine Red Cross.
Kadungan sa pagsaulog sang Bombo Radyo sa ika-58 nga anibersaryo subong nga 2024, ang pagre-launch sang inisyatibo ang nagapakita sang wala nagatahaw nga commitment sang Network sa pagsalbar sang kabuhi.
Pinaagi sa “Dugong Bombo: A Little Pain, A Life to Gain,” ang Bombo Radyo ang padayun nga nagatindog sa espiritu sang paghugpong kag kaluoy, pinaagi sa pagpasanyog pa sang partnership sa tunga sang pribado nga sektor kag humanitarian organizations para sa mas healthier kag mas mapinalanggaon nga sosyodad.
Gina-imbetar namon kamo tanan, mga Ka Bombo kag Ka Starnation, nga kami ang updan kag mangin life-saving heroes sa Nobyembre 16, 2024.
