16 ka beses na nga nagadonar sang dugo si Leonard Malaloan sang La Carlota City sa Dugong Bombo sang Bombo Radyo Philippines in partnership sa Philippine Red Cross.
Sa interview sang Bombo Radyo Bacolod, ginpahayag ni Malaloan nga siya ang wala gid nagaduha-duha sa pagdonar sang dugo kada tuig.
Suno diri, kun magakinahanglan sang dugo, mas mahapos magkuha kun may-ara na ngadaan sang nakabangko sa Philippine Red Cross pinaagi sa Dugong Bombo.
Sa 16 ka beses nga pagpakuha sang dugo, may walo na nga nakabenipisyo nga sa masami katrabaho sini kag abyan sa La Carlota City nga nagapaidalom sa dialysis.
Ginakasubo sini nga iban sa ila ang ginpapahuway na apang ginapakamaayo sini nga bisan paano nakabulig ang iya dugo sa pasyente nga ginapaidalom sa Kidney Diaslysis.
Pasalig sini nga tubtob yara pa ang Dugong Bombo kag siya ang pwede pa nga makapakuha sang dugo, siya ang magapadayun sa pagdonar.
