Duha ka bagul, mga tul-an, bayo kag undergarments, narecover sa retrieval operations sang Philippine Coast Guard sa Taal Lake

Ginreport sang Department of Justice ang duha ka mga bagul kag iban pa nga mga tul-an, mga bayo kag undergarments nagikan sa retrieval operation sang Philippine Coast Guard sa Taal Lake sa nagapadayon nga pagpangita sang missing sabungeros.

Suno kay DOJ Assistant Secretary Mico Clavano, naretrive ang mga tul-an, buhok kag iban nga mga “suspicious items” nga narecover sang PCG divers humalin Hulyo 29.

Suno kay Clavano, intact pa ang mga unto sa naretrieve nga mga skulls, nga pwede maggamit agud magmatch sa dental records sang missing sabungeros kasubong man sa DNA-matching sa mga himata sang mga biktima.

Suno diri, nagapakig-angot ang gobyerno sa mga himata para sa identification sang narecover nga mga tul-an kag mga kagamitan.