Duha ka mga bangkay sang lalaki ang nasapwan sa Purok Mainuswagon, Barangay Atipuluan ciudad sang Bago nagligad nga Agosto 27 sang gab-i.
Sa interview sang Bombo Radyo Bacolod kay P/Major John Joel Batusbatusan, hepe sang Bago City Police Station, ginpahayag sini nga samtang sakay sa motorsiklo si Willam Gray Castillo papauli kuntani sa Barangay Abuanan, nakita sini nga nagahamyangon sa dalan ang duha ka bangkay sang mga wala pa nakilal-an nga mga kalalakihan.
Suno kay Batusbatusan, nakabaklid ang mga biktima kag may pilas sa ulo.
Ginalantaw karon sang kapulisan nga may kaangtanan sa iligal nga druga ang kamatayon sang duha bangud sa karatula nga yara sa tupad sang mga ini nga may nakasulat nga mga drug pushers sila.
Sa karon padayon pa nga ginatumod sang otoridad ang identity sang mga ini.
