Duha ka barangay sa ciudad sang Bago ang nagpatigayon sang pre-emptive evacuation bangod sa pagbaha tuga sang wala untat nga pag-ulan humalin kagab-i tubtob kaina sang aga.
Suno kay Dr Mary Jane Ortizo, pinuno sang Disaster Risk Reduction & Management Office (DRRMO)- Bago City, apektado sang baha ang duha ka purok sang brgy Dulao kag isa ka purok sang Brgy Tabunan.
Samtang namonitor man ang pagsaka sang tubig sa Brgy Taloc, Sampinit, Calumangan, Poblacion kag Balingasag.
Suno kay Ortizo, nakastand by ang DRRMO sa palibot sang ciudad ilabi na sa mga coastal areas.
Nakapreparar man ang mga food kag nonfood item para sa mga evacuees.
Nangin mabug-at naman ang lakat sang trapiko sa pila ka area sa ciudad bangod sa baha sa dalan kun sa diin iban sa mga salakyan nga manugbo ang indi mahimo makalabay.
