Gindagdagan na sang Bacolod City Legal Office sang 60 days suspension without pay kag napasakaan na sang kaso nga Gross Misconduct ang duha ka mga building inspector sang Office of the Building Official (OBO) nga gina-alegar nangilkil kabaylo sang pagpadasig sang paghatag sang building clearance.
Sa pahayag ni Bacolod City Legal Officer Atty Romeo Carlos Ting Jr. sila ang maschedule pa sang hearing kag ini ang magaserbe nga hearing officer.
Ginahatagan man nila sang kahigayunan ang mga akusado nga makapangita sang abogado nga magarepresentar sa ila.
May-ara naman sang ginahuptan nga CCTV footage sang mismo pagpadulong sang duha ka building official sa nasambitan nga building agud magdemand sa kliyente sang kwarta kabaylo sang pagpadasig sang issuance sang clearance.
Nakalog man ang mga ini sa logbook sang building.
Santo sa affidavit sang tagreklamo, P15,000 ang una nga gindemand sang duha apang ini ang nahimo nga mapanubo sa P5,000.
Ginalantaw nga ginhingalitan sang duha ka building inspector ang kahigayunan nga madamo sang mga nagaproseso agud nga makapangilkil sa mga kliyente.
