Ginsunod-sunod naman sang duha ka barko sang People’s Liberation Army-Navy (PLA-N) sang China ang Philippine kag Japan Navies samtang nagapatigayon sang bilateral maritime cooperative activity (MCA) sa West Philippine Sea sang Agosto 2.
Gintumod sang Armed Forces of the Philippines ang duha ka barko sang China nga Jiangdao-class corvette 624 kag Jingkai class frigate 574.
Ginabanta nga yara sa 4 nautical miles kag 4.9 nautical miles ang distansiya sang duha ka warship sang China nagikan sa pwesto sang barko nga BRP Jose Rizal ng Pilipinas kag JS Sazanami sang Japan.
Apang gin-athag sang AFP nga wala nagpalapit ukon ginbalabagan sang mga Chinese vessels ang paglayag sang mga barko sang Pilipinas kag Japan.
Hugot man ng ginabantayan ang presensiya sang Chinese warships kag nagapadayon man ang nasambit nga maritime activity sang Pilipinas kag Japan sa West Philippine Sea sa tinutuyo nga mapasanyog pa ang tactical capabilities kag mapabakod ang kooperasyon sa tunga sang duha ka team.
