Nakapyansa na ang duha ka drayber sang salakyan nga nakabunggo sa nurse nga nagabusong nga resulta sa kamatayon sang mag-iloy sa Purok Proper North, Barangay Taloc, Bago City, Negros Occidental, alas 9:15 sang gab-i sang Enero.
Madumduman nga nagtabok sa pedestrian lane ang nurse nga si Maria Angela Buendia, 36-anyos, anum ka bulan nga nagabusong kag residente sang nasambit nga lugar sang nabbunggoan ini sang Toyota Avanza Wagon nga ginamaneho ni Philip Jansen Cantiller, 30-anyos, residente sang Deca Homes Subdivision, Barangay Cabug, Bacolod City.
Nagtabog si Buendia sa pihak nga lane kun sa diin nalapakan ini sang Toyota Vios nga ginamaneho ni Salvador Castro, 59-anyos, residente sang Barangay Crossing Pulupandan, Pulupandan.
Bangod sa natabo, naggwa sa tiyan sang iloy ang anum ka bulan sini nga lapsag.
Sa interview sang Bombo Radyo kay Police Lt. Col. Ariel Pico, officer-in-charge sang Bago City Police Station, nakapyansa ang duha sang Martes sa kaso nga Reckless Imprudence Rsulting To Multiple Homicide kag unintentional abortion.
Suno diri, nagbayad sang P70,000 ang dryaber nga si Cantiller samtang P50,000 naman ang ginbayad nga pyansa ni Castro.
