Duha ka bomb threats sa eskwelahan sang Himamaylan kag Kabankalan sa Negros Occidental ang nareport sa Police Regional Office Negros Island Region (PRO NIR) subong nga semana.
Ang Western Visayas State University – Himamaylan Campus ang nakabaton sang pagpamahog, pasado alas-12:00 kahapon sang hapon, Nobyembre 19.
Rasun sini amo ang indi patas nga pagtratar sang mga faculty kag staff sang eskwelahan sa mga estudyante.
Suno diri, nakilala ang tag-iya sang account apang naghambal nga gin-hack ini.
Samtang ang Central Philippines State University ciudad sang Kabankalan nakabaton sang bomb threat pasado ala-1:00 kaina sang kaagahon, Nobyembre 20.
Gilayon nga nagresponder ang Explosive Ordnance Disposal and Canine (EOD-K9) teams sa duha ka lugar kag negative ang resulta sang paneling.
Padayon pa ang imbestigasyon sang Police Regional Office Negros Island Region (PRO NIR).
Ang mga hepe sang Himamaylan kag Kabankalan City ang ginmanduan nga magkooperar sa Anti-Cybercrime Group (ACG) experts angot sa mga bomb threats.
