Patay ang duha ka estudyante kag duha kag manunudlo matapos ginluthang sa isa bulutuhan sa Georgia, USA.
Natabo ang pagpang luthang sa Apalachee High School sa Winder, Georgia.
Ang suspetsado isa ka 14 anyos nga suspect ang nahibaluan nga gin-istorya sang mga otoridad sang nagligad nga tuig bangud sa iya online threat nga tiruhon ang eskwelahan.
Ginkilala sang mga otoridad ang duha ka mga estudyante nga sanday Mason Schermerhorn kag Christian Angulo, lunsay 14-anyos, kag mga manunudlo nga sanday Richard Aspinwall, 39-anyos, kag Christina Irimie, 53-anyos.
Samtang siyam naman ang pilason nga gindala sa ospital kag yara na sa estable nga kondisyon.
Suno kay Chris Hosey, director sang Georgia Bureau of Investigation, nadakpan ang suspek kag pasakaan sang kaso nga kaangay sa legal ang edad.
Ang suspek ang armado sang “AR platform style weapon,” ukon semiautomatic rifle.
Gin-alegar nga nag-untat ini sang gin-atubang sang nagresponder nga mga otoridad.
Ginapatihan nga siya lang ang nagkomiter sang krimen, apang padayon ang imbestigasyon kun may-ara sang nagtulod sa iya nga himuon ang krimen.
