Duha ka explosive eruption ang nabatyagan sa banwa sang La Castellana sa paglupok sang Bulkan Kanlaon.
Sa interview sang Bombo Radyo kay John De Asis, pinuno sang La Castellana- Municipal Disaster Risk Reduction and Management Office (MDRRMO), alas- 3:03 kag alas- 3:40 sang hapon nabatygan nga naglupok ang bulkan.
Lima ka barangay ang apektado sa banwa nga ginalakipan sang Brgy Sag-ang, Biak na Bato, Mansalanao, Cabagna-an, kag Masulog.
Suno diri, ginpa-evacuate na ang mga nagapuyo sa 6 km permanent danger zone kun sa diin masobra sa 5,000 ka mga indibidwal ang ginalauman nga i-evacuate sa area.
Suno kay De Asis, ginapangamuyo lang sini nga wala sang may recorded nga injuries ukon nasamaran sa paglupok sang bulkan.
Panugyan sini sa mga pumuluyo nga mag-evacuate na samtang padayon ang unrest activity sang bulkan.
