Naghatag sang pasidungog sa Pilipinas ang duha ka Filipina matapos dungan nga naangkon ang mga titulo sa isa ka international beauty pageant nga ginhiwat sa Negombo, Sri Lanka sang Hulyo 25.
Ginkoronahan si Alexandra Krishna Oriño bilang Miss Tourism, samtang ginhingadlan naman bilang Miss Teen Tourism si Ma. Kathleen Monjardin sang Boracay.
Magluwas sa korona, nagdaug man si Oriño sang pila ka mga special awards kalakip ang Best in Evening Gown, Best in Forum, Best in Production Number, kag Velona Venus Queen.
Samtang, nakabaton si Monjardin sang pasidungog bilang Charity Queen, Best in National Costume, kag Best in Talent.
Ginabug-usan sang 18 ka mga kandidata ang nag-intra sa kompetisyon.
Ang duha ka Pilipina ang ginpadala ni pageant organizer Gerald Ortiz, nga nagserbe man bilang isa sa mga judges sang nasambit nga contest.
