Pilason ang duha ka forester nga South African nationals matapos ginkastigo sa isa ka Restobar sa Lirazan Street, Barangay 3, Kabankalan City alas-2:45 kahapon sang kaagahon.
Ang mga biktima ang ginkilala lamang nga sanday Alyas Daniel, 46 anyos, single, forester; kag Alyas Marlon, 44 anyos, kasado, forester, nga lunsay South Africans kag temporaryo nga nagatinir sa Hotel Del Sur, Brgy. Binicuil, Kabankalan City.
Ang suspect ang ginkilala naman nga si John Philip Tajanlangit, 31 anyos, kasado, self-employed, residente sang Bonifacio Street, Barangay 3, Kabankalan City; kag may kaupod ini nga wala pa makilal-an.
Sa imbestigasyon sang Kabankalan City Police Station, samtang yara sa sulod sang Restobar ang duha ka foreign national, ginpalapitan sila sang duha ka suspetsado.
Ginsumbag ni Tajanlangit si Edward sa guya nga nagtuga sang samad, samtang ginlampusan naman sang botelya sa ulo sang isa pa ka suspect si Andrew nga nagtuga man sang pilas.
Samtang nahimo naman nga maagaw sang empleyado sang Restobar ang kutsilyo gikan kay Tajanlangit.
Si Tajanlangit ang naaresto kag yara na sa karun sa kustodiya sang Kabankalan City Police Station.
