Ginpahayag ni Bacolod City Election Officer Atty. Revo Sorbito nga may duha ka grupo ang nagaplano nga magafile sang Certificate of Candidacy bwas sa ulihi nga adlaw sang filing.
Sa interview sang Bombo Radyo kay Sorbito, ginakabalaka sini ang pagduging sang mga aspirants bwas nga adlaw sa opisina sang Liga ng mga Barangay.
Suno diri, sa ulihi nga adlaw sang filing sang COC, tubtob lamang alas- 5:00 sang hapon ang pagbaton sang COC’s apang alas- 4:30 sang hapon kun madamo pa gid man sang magapila, kuhaon ang ila mga pangalan kag iproseso apang kun may problema kaangay na lamang nga may sala ukon kulang ang ila dokumento kag indi na sila makahingagaw pa, indi na mahimo pa sang Comelec nga batonon ang ila COC.
Pahayag ni Sorbito, may mga kandidato nga nagpadulong sa ila opisina para ipatsekyar ang ila mga COC kag madamo sang may yara sang deperensya sa dokumento.
Suno diri may yara man sang mga kandidato nga nagpacheck sang duha ka COC nga may lain-lain nga mga posisyon.
