Nadugangan sang duha ka mga bata nga nagaedad sang walo kag siyam ka tuig ang napatay bangud sang dengue sa ciudad sang Bacolod as of September 16.
Ang siyam ka tuig nga bata ang residente sang Barangay Mansilingan siya ang ika-apat nga nagtaliwan bangud sang dengue sa Bacolod City.
Santo sa rekord sang City Health Office September 1 sang gindala ini sa ospital bangud sang hilanat kag pagpalanuka apang pagkadason nga adlaw, ginbawian ini sang kabuhi.
Samtang, walo ka tuig nga bata halin sa Barangay 16 ang ginbawian man sang kabuhi tinalikdan nga September 8.
Sa rekord, September 7 sang gindala ini sa ospital bangud sang hilanat, pagpalanuka kag sakit sang tiyan.
Madumduman nga sang bulan sang Agosto, duha ka mga kabataan nga babayi halin sa Barangay Granada kag Mansilingan ang nagtaliwan man bangud sang dengue.
