Duha sa mga Coast Guard personnel ang nalakip sa mga napatay bangud sa sunog nga nagluntad sa Binondo district sa Manila sang Biyernes.
Ginpahayag sang Philippine Coast Guard (PCG), nga nagabuylog ang mga ini sa kasubo sang pamilya nanday Apprentice Seaman (ASN) Ian Paul Fresado kag ASN Mark Hernandez.
Sila ang nalakip sa napatay matapos nga ginlamon sang kalayo ang building sa Quentin Paredes Street sa Binondo, Manila.
Sanday Fresado kag Hernandez ang temporaryo nga nagapuyo sa building bilang boarders.
Ginpahayag sang PCG nga si Fresado kag Hernandez, ang miyembro sang Coast Guardsman Course (CGMC) Class 105, kag naassign sa Marine Environmental Protection Command (MEPCOM).
Ang mga bangkay sang mga ini kag siyam ka iban pa ang gindala sa Batangas Sanctuary Funeral Home sa Tondo, Manila.
Suno kay PCG spokesperson CG Rear Admiral Armando Balilo nga nagacoordinate na sila sa mga pamilya sang biktima agud nga iassists ang mga ini kag mahatag ang kinahanglan.
