Dakop ang duha ka lalaki matapos makuhaan sang halos P2 million nga balor sang suspected shabu sa Purok Tangkong, Barangay 7, Bacolod City, kahapon sang kaagahon.
Ginkilala ang mga nagkaladakpan nga sanday Junjie Milabo, 37 anyos, wala sang trabaho, residente sang Purok Matinumanon, Barangay Feliza, Bacolod City kag Cyril Rico, 25 anyos, wala sang trabaho, kag residente sang residente sang Purok Mahirup, Barangay Felisa, Bacolod City.
Sa interview sang Bombo Radyo Bacolod kay Police Major Eugene Tolentino, station commander sang Bacolod Police Station 2, madugay naman nila nga ginamonitor ang duha kag kahapon nila natigayon nga madakpan.
Suno kay Tolentino, ang subject person ang mga pangayaw lang man sa Barangay 7 bangud ang duha ang residente sang Barangay Felisa.
Suno sa station commander ang duha ang nagpadulong sa nasambit nga barangay agud nga magbaligya sang illegal nga druga.
Nakuha sa paghinakop sang duha ang kapin sa 290 grams sang suspected shabu nga may standard drug price nga P1,972,000.
Sa karun ang duha ang nakahunong na sa Bacolod Police Station 2 kag mangatubang sang kaso nga paglapas sa RA 9165 ukon Comprehensive Dangerous Drugs Act of 2002.
