Duha ka lalaki, nakuhaan sang masobra P1.6 million nga balor sang suspected shabu sa Brgy 2, Bacolod City kaina sang kaagahon

Narecover ang masobra P1.6 million nga balor sang suspected shabu sa duha ka mga lalaki sa drug buybust operation nga ginpatigayon sa Purok Sigay, Barangay 2, Bacolod City alas-12:56 kaina sang kaagahon.

Ang mga suspect ang ginkilala nga sanday Jamil Recaido, 28 kag Eric Talabon, 33 anyos, lunsay single, wala sang trabaho kag residente sa lugar.

Narecover sa duha ang apat ka nakabugkos nga plastic bag kag 11 ka sachet sang suspected shabu kalakip na ang buybust item.

Ang suspected shabu ang ginabanta nagabug-at sang 240 grams kag nagabalor P1,632,000.

Ang duha ang lunsay nakahunong na sa Bacolod Police Station 2 kag natala mangatubang sang kaso sa paglapas sa Republic Act 9165 ukon Comprehensive Dangerous Drugs Act of 2002.