Masobra tunga sa milyon ang balor sang suspected shabu nga narecover sa duha ka lalaki sa drug buybust operation sa Purok Everlasting, Barangay 18, Bacolod City.
Ang mga suspetsado ang ginkilala nga sanday Romeo Gumban, 53 anyos kag Seguondo Pasigado, 41 anyos, lunsay single, wala sang trabaho kag residente sang Purok Serisa, Barangay 27, Bacolod City.
Sa operasyon sang Bacolod Police Station 2, narecover sa mga suspect ang 15 ka sachet sang suspected shabu nga ginabanta nagabug-at sang 80 gramos kag may standard drug price nga P544,000.
Si Gumban ang ginakilala nga high value individual samtang si Pasigado ang Street Level Individual, samtang sila ang parehas nga bag-o lamang namonitor kag wala pa sa listahan sang Barangay Anti Drug Abuse Council (BADAC).
