Padayon nga ginabulong sa ospital ang mga biktima sa nagluntad hacking kag stabbing incident sa atubang sang Ceres Terminal, Barangay II Poblacion, Himamaylan City, Negros Occidental, samtang ginabulong man ang suspect matapos matiruhan sang pulis.
Ang mga biktima ang ginalakipan sang 36 anyos nga lalaki, single, wala sang trabaho kag residente sang Sitio Ipil -ipil, Brgy Enclaro, Binalbagan, Negros Occidental; kag isa ka 19 anyos nga lalaki, single, residente sang Prk Pag-asa, Sitio Bliss, Brgy Enclaro, Binalbagan, Negros Occidental.
Samtang ang suspek amo si alyas “Vince”, 21 anyos, single, jobless kag residente sang Sarmiento Street, Brgyy Carabalan, Himamaylan City.
Sa imbestigasyon sang Himamaylan City Police Station, ang mga biktima ang nagasakay na sa ila nga salakyan agud magpauli apang nakibot lamang ang mga ini nga ginbalabagan sang suspek nga may dala nga kitchen knife kag sila ang hinali nalang nga ginbuno.
Ang 36 anyos nga biktima ang naigo sa nawala nga tiil kag ang 19 anyos ang naigo sa ulo.
Gintuyo man sang suspek nga bun-on ang nagresponde nga mga kapulisan kun sa diin napilitan ang mga ini nga magpalupok sang issued firearms agud mapakalma ang suspetsado.
Ang suspek ang naigo sa paa.
Gilayon nga gindala sa Governor Valeriano M Gatuslao Memorial Hospital ang suspek kag mga biktima para sa medical treatment kag nagakaigo nga disposisyon.
