Pilason ang duha ka lalaki nga nagasakay sa motorsiklo matapos masangit sang tricycle sa Florenceville Subdivision, Brgy Tangub, Bacolod City, alas- 4:14 sang hapon kahapon.
Ang driver sang motorsiklo ang ginkilala nga si Christian Pedreso, samtang ang backrider sini amo si Rey Rusia, 59 anyos, lunsay mga residente sang Brgy Taculing, Bacolod City.
Sa interview sang Bombo Radyo kay Rusia, naggikan sila sa Pta Taytay kag papauli na kun tani sa Taculing apang samtang nagabyahe nasangit sila sang tricycle.
Bangod sa impact, nagtumba ang ila motorsiklo kag nag-agom sila nga duha sang minor injuries.
Samtang, nalagyo naman ang driver sang tricycle.
Gin-ako naman sang duha ka biktima nga naka-inom sila sang makahulubog nga ilimnon apang suno sa ila madutay lamang.
