Duha ka lapsag, nasapwan sa ciudad sang Bacolod kahapon; isa patay, isa may-ara pa sang kabuhi

Duha gid ka lapsag ang magkasunod nga nasapwan sa ciudad sang Bacolod kahapon

Isa diri ang buhi, apang ang isa ang wala na sang kabuhi sang masapwan.

Una nga nasapwan ang wala na sang kabuhi nga lapsag sa kilid sang tiangge sa Celita Village, Barangay Alijis, ciudad sang Bacolod.

Natukiban ini sang mga residente matapos nga nagpanimaho na ang bangkay.

Sa karon nagapatigayon na sang imbestigasyon ang Police Station 7 sa nasambit nga insidente.

Samtang, nakita naman ang isa ka lapsag nga lalaki nga nagaangot pa ang umbilical cord sa Hacienda Guanzon, Barangay Mansilingan, Bacolod City kagab-i.