Duha ka LGU sa Negros Oriental nalakip sa red category sang election areas of concern

Ginkumpirmar sang Commission on Election – Negros Island Region nga duha pa lamang ka Local Government Unit ang naaprubahan nga ipaidalum sa red category sa rehiyon.

Suno kay COMELEC-NIR Director Atty. Lionel Marco Castillano, sa karun malinong pa man ang sitwasyon sa rehiyon kag wala man sang may nagluntad nga insidente nga mahambal nga election related incidents.

Suno diri, gin-aprubahan sang security concerns committee nga duha ka LGU sa probinsya sang Negros Oriental ang ipaidalum sa red category.

Ini amo ang banwa sang La Libertad kag ciudad sang Guihulngan samtang ang iban nila nga rekomendasyon ang subject for validation pa.