Wala na natabangan kag ginbawian sang kabuhi ang duha sa lima ka mga menor-de-edad nga nalumos sa baybayon sang Purok Can-itom, Barangay Sampinit, Bago City sang Mayo 22.
Suno kay Police Lt. Joseph Jaro, deputy chief-of-police sang Bago City Police Station, nagjogging ang lima ka mga menor-de-edad kag sang nakalab-ot na sa baybay, sila ang naghagaray nga maligo.
Suno kay Jaro, wala sang mga ini natalupangdan nga kantilado ang tubig gani sla ang nalumos.
Nasalbar ang tatlo sang may naglabay nga pump boat sa baybay samtang wala na natabangan ang duha nga gikilala sanday Jimuel Padilla kag Lean Flor, lunsay mga 14-anyos kag mga residente sang Purok Tunggoy, Barangay Sampinit.
Sila ang gindeklarar nga dead on arrival sa ospital.
Ang tatlo ka mga nakasalbar nga wala lamang ginhingadlan ang naga-edad naman sang napulo ka tuig, 14 kag 15-anyos.
