Gilayon nga naaresto ang suspetsado nga nagsulod sa isa ka balay kag nagpamuno nga nagresulta sa kamatayon sang duha ka menor de-edad kag ginkapilas sang lima pa ka miembro sang pamilya sang mga ini sa La Libertad, Negros Oriental.
Alas-6:00 kaina sang aga sang ginsulod sang suspetsado nga si Joan Isidro alyas Badin sang Sitio. Tangwan, Brgy. Pacuan ang balay sang mga biktima sa Sitio Tubod sang nasambit man nga barangay kag hinali lang ini nga nagpamuno gamit ang kutsilyo.
Patay sa insidente ang 8-anyos nga si Jillian kag 2-anyos nga si King James.
Samtang pilason naman ang ila lolo nga si Cesar Potestas, 65-anyos; Jona Jane Elarcosa, 10-anyos; Geraldine Elarcosa, 12-anyos; Jenery Elarcosa, 14-anyos kag Elsa Potestas, 60-anyos.
Gilayon naman nga naaresto ang suspetsado matapos nga nagresponder ang mga personnel sang malapit nga army detachment.
Sa karun nagapadayon pa ang imbestigasyon sang kapulisan sa insidente.
