Nakaangkun sang kapilasan sa lawas ang duha ka mga menor de-edad matapos nalukpan sang palupok kag boga sa palibot sang Negros Occidental, kahapon sang hapon.
Alas-4:20 kahapon sang hapon sang nalukpan sang boga ang mata sang 12-anyos nga si Gabriel Ison sang Brgy. Nato sa banwa sang La Castellana.
Sa impormasyon nga nakuha sang Bombo Radyo Bacolod, ginlingling sang biktima ang punta sang boga rason nga nalukpan ini kag nakaangkun sang pilas sa iya nga mata.
Samtang alas-4:33 naman sang hapon, nalukpan naman ang 14-anyos nga si Ezekel Gerabe sang Purok Pag-asa, Brgy. Estefania ciudad sang Bacolod.
Nahibaluan nga ginpudyot ni Garabe ang nag-umido nga firecracker kag hinali na lamang ini nga naglupok.
Bangud sini nakaangkun sang pilas sa tuo nga mata kag nawala nga kamot ang 14-anyos.
Lunsay naman gindala sa Corazon Locsin Montelibano Memorial Regional Hospital ang mga biktima.
