Duha ka mga babayi, patay sa insidente sang hit and run sa ciudad sang Victorias; driver sang truck nga nakabunggo sa ila, nagsungka sa Bacolod Police Station 6

Nagsungka sa Bacolod Police Station 6 ang driver sang isa ka 6-wheeler truck matapos nga mabungguan sini kag napatay ang duha ka babayi nga sakay sa motorsiklo sa National Highway, Osmenia Avenue, Barangay 21, Victorias City kahapon sang kaagahon.

Nahibaluan nga ang mga biktima ang ginkilala nga sanday Grace Telebrico, 23 anyos, residente sa nasambitan nga barangay kag Julie Ann Broce, 41 anyos, residente sa Barangay 10, Victorias City.

Matapos matabo ang insidente sang kaagahon, gilayon nga nagderetso ang suspetsado, kag alas-3:00 kahapon sang hapon ini ang personal nga nagsungka sa Bacolod Poloce Station 6.