Duha ka mga backhoe ang ginsunog sang anum ka mga armado nga lalaki nga nagpakilala nga katapo sang mga New People’s Army sa Sitio Bulod, Barangay Carabalan, Himamaylan City sang Hunyo 14.
Suno kay Police Captain Arturo Margallo, deputy chief of police sang Himamaylan City Police Station, may yara sang watchman nga nakakita sa natabo kun sa diin may anom ka mga armado nga lalaki nga nagpalapit sa duha ka backhoe nga ginapanag-iyahan ni Engr. Kenneth Gensulin sang HLG Construction Company kag ginagamit sa pag-ubra sang P100 million road project nga magatabo sang Himamaylan kag Tayasan, Negros Oriental.
Suno kay Margallo, nagkuha ang mga suspetsado sang duha ka gallon sang gasolina kag ginbubo ini sa duha ka mga backhoe kag ginsunog.
Nagpakilala ang anum ka armado nga mga lalaki nga mga NPA kag ginpahayag ang mga tinaga nga “Wala ni gabayad tax kag barato ang sweldo. Indi kamu maghalin di.”
Ginabanta nga P7.5 million ang balor sang halit nag gintuga sang pagkasunog sang duha ka mga heavy equipment.
