Ginkumpirmar ni Philippine Drug Enforcement Ageny (PDEA) Negros Occidental provincial officer Nicholas Gomez nga nakabalik na sa trabaho ang anom ka mga PDEA agents nga nagpositibo sa COVID-19 kag nakabalik naman sa custodial facility sang Bacolod Police Station 3 ang duha ka priso nga nalatnan man sang balatian.
Sa interview sang Bombo Radyo Bacolod kay Gomez, ginpahayag sini nga sang Setyembre 8 sang nakabalik na sa trabaho ang mga personnel sini kag nakabalik naman sa prisuha ang duha ka mga suspetsado sa buybust operation nga ginpatigayon sa Barangay Banago matapos nga nag-negatibo sa ikaduha na swab test.
Apang, aminado naman karon si Gomez nga isa sa ila nga mga kabudlayan kag gina-problemahan karon amo nga wala sang police station sa Bacolod City Police Office nga mabaton sang ila mga nagkaladakpan bangud sa kahangawa nga may virus ang mga ini kag malatnan ang iban nga mga priso kag police personnel.
Suno sa iya, kun may yara sila sang madakpan, ginapadala nila ini sa ila nga headquarters sa ciudad sang Iloilo.
