Nakahanda nga magtestigo ang duha ka mga gin-alegar sex slaves victims nga narescue sa Kingdom of Jesus Christ compound batok kay Pastor Apollo Quiboloy.
Sa statement sang Philippine National Police, indi pa sila karon makahatag sang insakto nga numero sang mga gin-alegar nabiktima, apang may duha na nga nakahanda nga magtestigo.
Suno sa PNP, iban sa mga biktima ang nahadlok bangud ang ila ginikanan ang yara pa sa sulod sang KOJC compound.
Si Quiboloy ang ginreklamo sang human trafficking sang mga babayi nga miyembro sang ila relihiyon kag iban sa ila ang naga-edad sang 12 anyos.
Ini bangud ginapabaligya sang mga goods agud makatipon sang kwarta para sa KOJC.
Iban sa mga biktima ang gin-alegar ginmolestyahan sang pastor.
Nagapati si PNP Spokesperson Col. Jean Fajardo nga dapat mapanabat ang mga ginikanan sang mga biktima.
Nagpangabay ang Philippine National Police sang bulig sang Department of Social Welfare and Development (DSWD) sa kaso.
