Gin-aresto sang katapo sang San Enrique Municipal Police Station bangud sa paglapas sa gun ban sa Sitio Nasunugan, Barangay Batuan, San Enrique, Negros Occidental kahapon, Mayo 11.
Ginkilala ang mga nadakpan nga sanday Ronie Gonzales , 32 anyos single, laborer kag Aljun Gonzales, 33 anyos lunsay mga residente sang Sitio Pasil, Barangay Tabao Baybay.
Narecover sa mga ini ang isa ka caliber sang .45 Colt pistol; duha ka magazine assemblies’ para sa caliber .45; 15 ka live ammunition para caliber .45; isa ka unit nga .357 Smith & Wesson revolver nga wala sang serial number; 25 ka live ammunition para sa .357 caliber; isa ka handheld radio, isa ka holster pouch; duha ka belt bag, kag isa ka wallet pouch.
Ang operasyon ang ginlunsyar kasunod sang nabaton nga report sang concert citizen paagi sa cellphone nga kapin ala 1.28 ang takna sang kaagahon nga nagpahibali sang presensya sang armado nga mga indibidwal.
Gilayon man nga ginrespondehan man ini sang mga kapulisan kag natigayon nga madakpan ang mga suspek matapos nga makita ang mga armas in plain view.
Nakahunong na ang duha sa San Enrique Municipal Police Station kag mangatubang kaso nga paglapas sa RA 10591 in relation to COMELEC Resolution No. 11067.
