Nakilala na ang duha ka mga rebelde nga napatay sa engkwentro sa tunga sang militar kag New People’s Army kag militar sa militar sa Hacienda Paraiso, Brgy Caduha-an, Cadiz City kahapon sang kaagahon.
Ang napatay ang ginkilala kanday Hans Ponteras aka JOJO/LANCE/TEDDY/MOJO kag acting ukon nagapungko nga Regional Front Secretary kag Finance Officer kag pinuno sang Regional Taxation Implementing Group sang Komiteng Rehiyon-Negros,Cebu,Bohol,Siquijor (KR-NCBS) kag Marisa Pobresa aka KIM/RENZ/MIA kag Regional Communication Officer, sang nasambit nga grupo.
Sa interview sang Bombo Radyo Bacolod kay Lt Col Arnel Calaoagan, Batallion Commander sang 79th Infantry Batallion sang Philippine Army, ang duha ang nadala na sa punerarya kag ang bangkay ni alyas Kim ang nakuha na sang pamilya samtang si Alyas Jojo ang nagapabilin sa punerarya.
Nahibaluan nga nagdangat sa pito ang naka-engkwentro sang Philippine Army kun sa diin naglawig sang pito tubtob walo ka minutos ang pagbayluhanay sang lupok.
Ginalantaw man nga ang naka-engkwentro ang mga remnants sang dismantled Northern Negros Front nga naka-engkwentro man sang militar sang Pebrero.
