Ginkompirmar sang bise alkalde sang ciudad sang Bacolod nga gin-isolate na ang duha ka mga seafarers nga nagpositibo sa COVID test sang tinalikdan nga adlaw.
Nahibaluan nga may yara na lamang sang duha ka mga COVID positive sa ciudad.
Sa interview sang Bombo Radyo Bacolod kay Vice Mayor El Cid Familiaran nga amo man ang chairman sang inter-agency task force against coronavirus disease sang ciudad, ginpahayag sini nga ang duha ka mga nagpauli nga seafarers ang ginsaylo sa ospital matapos magpositibo ang polymeraise chain reaction test bangud nagakakugmat man ang tag-iya sang pension house nga ila ginsayluhan halin sa Graciano Lopez Jaena Elementary School.
Nagarequest man ang mga pasyente nga ipaidalom sa repeat PCR test.
Madumduman nga ang duha ang nagpositibo man sa ginpatigayon nga rapid sang mga ini.
Magluwas diri, ginahulat pa sa karun ang mga resulta sang swab test sang mga nagkalamatay sa ciudad nga wala pa nahibaluan ang gintunaan sang kamatayon gani ginkuhaan sang swab sample agud mapat-ud nga ang rason sang ila pagtaliwan kag iban pa nga mga ginkuhaan sang swab sample.
