Patay ang duha ka mga persona sa shooting incident nga nagluntad sa Purok BM, Brgy. Taculing, Bacolod City kagab-i.
Sa interview sang Bombo Radyo kay Patricio Suspeñe, amay sang isa sa mga biktima, naga-inom ini upod sa suspetsado nga ginkilala kay Thomas kag biktima nga si Noel Canensia sang may komosyon nga nagluntad sa duha.
Suno kay Suspeñe, nagpauli si Noel kag pagbalik may dala na ini nga binangon samtang si Thomas naman ang may yara gale sang .45 calibre pistol nga dala.
Suno sa iya, nagpalupok si Thomas kag naulamid lang ang bata sini nga si Denmar Suspeñe nga bag-o lang abot halin sa iya ulubrahan.
Ginhingagaw sanday Denmar kag Noel dala sa ospital apang suno sa amay, nadulaan na ang mga ini sang kabuhi.
Nakapalagyo naman ang suspetsado apang nangayo pa sang pasensya sa iya antes nagdalagan.
