Arestado ang duha ka mga shoplifters nga nagsulod sa SM Mall sa reclamation area sa ciudad sang Bacolod kaina sang aga.
Ginkilala ang mga naaresto nga sanday Kris Derla alyas Kiram, 35-anyos kag kasado kag Gerald Buenafe alyas Mikmik, 21, nga lunsay residente sang Abada Escay Abada Escay, Brgy. Vista Alegre, Bacolod City.
Santo sa impormasyon nga nakuha sang Bombo Radyo Bacolod sa guard sang nasambit nga mall, nagpangkuha sang 14 ka panid nga t-shirts ang duha sa Boys Teen Section sang establisyimento.
Nagabalor sang P4,196 ang t-shirts nga ginsulod sang duha sa ila mga bag.
Apang antes pa man nadakpan ang duha, gintuad sang guard nga ginbantayan na nila nga daan ang mga ini bangud sang makaduluda nila nga hulag.
Nakit-an ang ginhimo sang duha bangud sang CCTV camera nga nakatutok sa ila.
Sang naguwa na ang mga ini, gin-alerto sang mga nagabantay sa CCTV ang mga guards rason nga ginlagas ang mga ini kag nadakpan.
Priso na karun ang mga suspetsado sa Bacolod Police Station 1.
