Ginserbe na sang Bacolod City Legal Office ang ‘notice to pay and vacate’ sa duha ka mga stall sa Manokan Country nga napaslawan nga magbayad sang ila utang base sa compromise agreement kaina sang udto.
Ginalakipan ang duha ka stalls sang “Carmen” kag “Shibarose”.
Nasaad sa notice nga pirmado ni City Legal Officer Atty. Romeo Carlos Ting Jr., nga ginhatagan sang 15 dias ang duha ka stall agud mag bayad sang kabug-usan nila nga arrears.
Ang ‘Carmen’ ang may utang nga 687, 680 pesos samtang ang Shibarose ang may balanse nga P660, 543.
Ginamando ang CLO nga bayran ang ila nga arrears kag magbiya sa lugar sa gintalana nga adlaw bangud kon mapaslawan, ang syudad na mismo ang magasira sang ila pwesto.
Sa idalum sang compromise agreement, dapat magbayad ang may utang nga stall sang 25,000 sa kada bulan nga nag umpisa sang Nobiembre 2022, kag kon mapaslawan nga magbayad sang duha ka sunod-sunod nga bulan, ipapanaug ang notice to pay and vacate.
Ang duha ka stalls ang wala sang may ginabaligya sang ginserbe ang notisya.
Nahibaluan, iban sa mga stall owner ngay may utang man sa syudad ang naka partial payment.
Nagpabutyag man sang reaksyon kag nagapangayo sang bulig sa alkalde sang syudad sang Bacolod nga mabuligan sila nga magpabilin sa syudad nga magbaligya sa Manokan Country ang isa sa mga stall owner.
Ginpahayag man ni Beth Jaranilla, ang utod sini nga isa man ka tag-iya sang stall sa Manokan country ang napatay sang nakaligad nga bulan sang Disyembre bangud nastress ini matapos nagpatuman ang city legal office sang closure sang tinalikdan nga tuig.
Suno pa diri nakahibalo siya nga si Bacolod City Mayor Alfredo Benitez nga maayo kag maluluy-on.
