Pilason ang duha ka suldado kag isa ka Citizen Armed Force Geographical Unit (CAFGU) matapos ginpulihan kastigo samtang nagamonitor sa ginhiwat nga piyesta sa Barangay Tabugon, Kabankalan City.
Ang mga biktima ang ginkilala nga sanday Private First Class Michael Catalbas, 27 anyos,Private Arlie Analista, 25 anyos kag CAFGU Josghua Anabo, 19 anyos nga lunsay naka-assign sa Aplha Company sang 47 th Infantry Battalion.
Samtang ang mga suspetsado naman amo sanday, Raffy Toledo, 21 anyos; Hector Ollet, 24 anyos; Remar Bartolome, 21 anyos; Ed Lenard Mondejar, 21 anyos; Aljohn Paul Balaba, 27 anyos; Almar Capistrano; Agustin Sarino, 23 anyos; Jenel Dionson, 21 anyos; John Lee Gallano, 23 anyos; kag duha ka menor de edad nga 17 kag 16 anyos.
Sa interview sang Bombo Radyo kay Police Captain Dennis Melgarejo, deputy chief of police sang Kabankalan City Police Station, samtang nagamonitor ang tatlo ka biktima sa area, sila ang ginpulihan kastigo sang mga suspetsado.
Isa sa mga suspetsado ang mahimo nga naggamit pa sang brass knuckles ukon pichicorno sa pagsumbag kay Catablas.
Naaresto ang walo ka mga suspetsado laikp na ang isa ka menor de edad nga 17 anyos, samtang nakapalagyo naman ang tatlo nga sanday Dionson, kag Gallano, lakip na ang 16 anyos nga menor de edad.
