Ginpapanaugan sang notice of violation sang Environmental Management Bureau ang duha ka mountain resort sa Bago City, Negros Occidental.
Sa interview kay Vicente Losbañes, officer-in-charge Regional Director sang EMB – Negros Island Region, ginkumpirmar sini nga ginpanaugan sang notice of violation ang Balaan Hills Ecopark Project kag ang Mailum Falls Dreamland Resort nga lunsay makita sa Barangay Mailum sa nasambit nga ciudad.
Suno kay Losbañes, may ara na sang Environmental Compliance Certificate ang Mailum Falls Dreamland Resort sadtong 2013, apang nag-expand ang resort, nga indi na covered sang gin-issue nga ECC.
Suno diri, nag-apply sang amendment sa ECC ang Mailum Falls Dreamland Resort, apang apisar wala pa naaprubahan nagpatigayon na ang mga ini sang earth moving activities kag infrastructure rason nga ginpadal-an sila sang notice of violation kag stoppage order.
Samtang wala pa na-issuehan sang ECC ang Balaan Hills Ecopark Project, apang sila ang nagpatigayon na sang infrastructure activities.
Ang resort ang nag-operate man nga wala sang ECC gani ginpanaugan sang notice of violation kag stoppage order.
