Duha ka nagpatay kag naghimulos kay Jenalyn Ansalay sa Talisay City, napasakaan na sang kaso nga murder

Natigayon na nga mapasakaan sang kaso ang duha ka suspek sa pagpatay kay Jenalyn Ansalay sa Hda. Catalina, Brgy Dos Hermanas, Talisay City.

Murder ang gin-file nga kaso batok sanday Reneboy kag Arnold.

Sa interview sang Bombo Radyo Bacolod kay Police Lieutenant John Patrick Linda, Deputy Chief of Police for Administration sang Talisay City Police Station, pormal na nga gin-file ang murder case apang ginpahayag nga wala na ginpadayon ang pag-file sang rape bangud sa kakulangan sang ebidensya.

Madumduman nga nasapwan si Jenalyn sang Oktubre 13 sa nasambit nga lugar sa diin nakasulod ini sa sako kag wala na sang pang-idalom nga panapton.

Ang mga suspek man mismo ang nag-ako nga sila ang may kahimuan sa krimen.