Nakit-an na ang duha ka Junior High School students nga namissing sa banwa sang Manapla sang Martes alas 12:00 sang udto.
Ang duha ka mga bata nga magpakaisa amo sanday Jenelyn Segundo, 13 anyos, Grade 7 student kag Maylisa MJ Marabe, 14 anyos, Grade 8 student, lunsay mga residente sang Brgy Tortosa, banwa sang Manapla.
Sa interview sang Bombo Radyo kay Police Executive Master Sergeant Mansueto De Jose Jr, sang Manapla Municipal Police Station, nagpadulong sa police station ang ila nga lola agud nga magpablotter, matapos nga wala nakapauli ang duha sini ka apo.
Suno diri, ang duha ka bata ang nakit-an kahapon sang hapon, kag ginturn-over sa police station sang isa ka manunudlo.
Suno sa mga bata, nagtinir sila sa balay sang ila barkada, kag wala nagpauli bangod nga sila ang ginasakit sa sulod sang balay.
