Duha ka Negrense artists ang nalakip sa mga gindeklarar nga National Artist sa idalom sang Proclamation No. 1414, series of 2026.
Ini ang ginalakipan nanday Nunelucio M. Alvarado bilang National Artist for Visual Arts; kag Teddy Hilado (posthumous) bilang National Artist for Theater.
Si Alvarado ang tumandok sang Sagay City samtang si Hilado, ang tumandok naman sadto sang ciudad sang Silay.
Ang posthumous award amo ang pagkilala nga ginahatag para sa nagtaliwan na nga indibidwal.
Apisar sa 76 anyos na si Alvarado, nga mas nakilala bilang si Maestro Lucio, siya ang kilala gid sa gihapon sa Sagay City.
Sa interview sang Bombo Radyo Bacolod kay Negros Occidental Governor Eugenio Jose “Bong” Lacson, bugal para sa Negros Occidental kag sa tanan nga mga Negrense nga may mga kasubong nga Negrense nga ginakilala bilang National Artists.
Luwas sa duha, ginkilala man nga national artists sanday Gabriel “Gabby” Formoso, architecture and allied arts (posthumous); Rafael “Nonoy” Froilan, dance; Maria Beatriz “Patis” Tesoro, design; Armando “Bing” Lao, film and broadcast arts (posthumous); Gregorio C. Brillantes (posthumous), literature; Nicanor G. Tiongson, literature; Alfredo S. Buenaventura, music; kag Imelda Cajipe-Endaya, visual arts.
