Arestado ang apat ka mga persona drug buybust operation nga ginpatigayon sang Philippine Drug Enforcement Agency 6 kag Bacolod Police Station 2 sa Purok Narra Baybay, Barangay 2, Bacolod City.
Sa impormasyon nga nakuha sang Bombo Radyo, ginkilala ang mga suspetsado sanday Sherly Villanueva; Joel Go, 32-anyos, lunsay mga residente sang nasambit nga lugar; Roberto Magbelia, 54-anyos, residente sang Barangay 14, Bacolod; kag Jerry Lozada, 47-anyos, residente sang Barangay 8, Bacolod City.
Nakuha sa ila paghinakop ang walo tanan ka heat sealed transparent plastic sachet sang suspected shabu; sigarilyo kag mga drug paraphernalia.
Ang nakumpiskar nga illegal nga druga ang ginabanta nagabug-at sang 12 ka gramos kag may estimated market value nga P81,600.
Sa karun yara ang mga ini sa kustodiya sang PDEA-Negros Occidental Police Provincial Office. Samtang, arestado man ang isa ka 49-anyos nga lalaki sa drug buybust operation nga ginpatigayon sang Bacolod Police Station 10 sa Purok NGO Village, Barangay Handumanan, Bacolod City.
Sa impormasyon nga nakuha sang Bombo Radyo, ginkilala ang suspetsado kay Gilbert Lorda, 49-anyos, isa ka street level individual kag residente sang nasambit nga lugar.
Nakuha sa iya paghinakop ang duha ka gramos sang suspected shabu nga nagabalor P13,600.
Sa karun nakahunong si Lorda sa Bacolod Police Station 10 kag natalana nga pasakaan sang kaso nga paglapas sa R.A. 9165 ukon Comprehensive Dangerous Drugs Act of 2002.
