Duha ka persona, nakuhaan sang masobra P1.2 million nga balor sang suspected shabu sa buybust operation sa Old Airport Runway sa Barangay Singcang-Airport, Bacolod City

Arestado ang duha ka mga high value individual sa buybust operation nga ginpatigayon sa Old Airport Runway sa Barangay Singcang-Airport sa siudad sang Bacolod kahapon, Enero 8.

Ginkilala ang duha nga sanday Mark Anthony Sorongon, 19-anyos, residente sang Pilipinhon, Barangay 30, Bacolod kag si Anthony Calantas, 31-anyos, kag sresidente sang Purok Paghidaet, Barangay 29, Bacolod.

Nakuha sa duha ang pulo tanan ka pakete sang “shabu” nga nagabug-at sang 180 ka gramos kag nagabalor sang P1,224,000.// Narekober sa duha ang P1,000 nga buy-bust money kag P9,000 nga boodle money.

Sa karon, nakahunong ang duha sa Bacolod Police Station 8 kag natalana nga pasakaan sang kaso nga paglapas sa RA9165 ukon Comprehensive Dangerous Drugs Act of 2002.