Ginpagwa na sa prisuhan ang duha ka mga persona nga gin-aresto matapos nga makuhaan sang Criminal Investigation and Detection Group – Bacolod City sang gina-alegar peke nga mga food seasoning sa bahin sang Bacolod Negros Occidental Economic Highway (BANOCEH) sakop sang Barangay Mansilingan, Miyerkules, Agosto 5.
Ang mga nadakpan ang ginkilala nga sanday Alyas Shi, 64-anyos, lalaki, residente sang San Carlos City kag Alyas Chen, 32-anyos, residente sang Brgy. Granada, Bacolod City.
Sa interview sang Bombo Radyo Bacolod kay Police Major Christopher Dulagan, Chief sang CIDG–Bacolod, for re-filing ang kaso batok sa duha matapos nga wala madayon sang Huwebes bangud may ginapangayo pa nga dokumento ang fiscal.
Suno kay Dulagan, na-inquest na ang duha apang ginpagwa santo sa resolution sang fiscal bangud may yara pa sang ginapangayo nga dokumento.
Suno diri, i-refile nila ang kaso batok sa duha paagi sa regular filing.
Madumduman nga sa ginpatigayon nga operasyon sang CIDG-Bacolod, narekober sa duha sang 98 ka kahon sang peke nga produkto nga nagabalor P470,400.
Narekober man ang L300 van nga amo ang ginkargahan sang produkto kag pick-up.
