Duha ka persona, patay matapos maanod sa baha ang salakyan sa New Jersey, USA

Duha ka mga persona ang nadulaan sang kabuhi sa New Jersey matapos gin-anod sang baha ang ila salakyan.

Natabo ang pagbaha bangud sa pila ka adlaw nga wala sang untat nga makusog nga pag-ulan.

Bangud diri, gindeklarar ni Governor Phil Murphy ang state of emergency.

Nagpaandam man ang opisyal nga posible nga magdangat ang pagbaha sa Washington D.C tubtob sa Carolinas.

Nauntat man ang operasyon sang Amtrak kag pila ka mga pampubliko nga salakyan bangud sa pagbaha.

Nagdeklarar ang New Jersey sang isa ka state of emergency samtang ang New York City ang ginbaha man nga gintunaan sang pagkastranded sang mga residente sa mga dalanon kag subways.