Ginkompirmar sang bise alkalde sang banwa sang EB Magalona, Negros Occidental nga may yara sang duha ka miyembro sang Local Disaster Risk Reduction and Management Office (LDRRMO) nga nagpositibo sa coronavirus.
Sa interview sang Bombo Radyo kay Vice Mayor Eric Matulac, ginkumpirmar ni Municipal Health Officer Dr. Edmundo Janeo nga naisolate na sa Provincial Healing Center sang probinsya nga napahamtang man sa banwa ang duha ka mga rescuers.
Suno kay Matulac, ginlockdown naman ang opisina sang LDRRMO para sa decontamination kag disinfection.
Apang ginpasalig sini nga wala man naapektuhan ang serbisyo sang DRRMO sang banwa bangud may yara man sang mga reserved rescuers nga nakastandby kag temporaryo nga nakastation sa EB Magalona public plaza covered court.
Nagpanawagan man ini sa mga pumuluyo sang EB Magalona nga likawan ang pagpanumdom sang mga negatibo kag magsunod sa mga health protocols agud matapna ang paglapta sang COVID-19.
