Duha ka sunog ang nagluntad sa kalasangan sang Iwate Prefecture, Japan, nga nag-umpisa sang Miyerkules sa diin nagdangat na sa 1,176 hectares ang kalaparon sang sunong tubtob kahapon, Byernes sang aga, nga nagpabakwit sang masobra 1,000 ka mga residente.
Nahibaluan nga natabo ang sunog sa Kozuchi district sa syudad sang Otsuchi pasado ala-1:00 sang hapon.
Madasig nga naglapta ang kalayo kag naapektohan ang pila ka mga imprastraktura pati ang mga malapit nga kalasanga.
Pila ka oras matapos sang insidente, isa pa ka sunog ang nagluntad sa mountain area sang Kirikiri district, kun sa diin masobra 10 kilometros ang kalayuon sa una nga nasunog nga katalonan.
Gin-abisohan naman sang lokal nga panguluhan ang mga residente sa 566 nga mga panimalay nga magbakwit, partikular ang mga nagapuyo sa ikaduha nga lugar nga nasunog.
Samtang, wala naman sang narekord nga casualties.
