Bukas ang Sentrong Samahan ng mga Tsuper at Operators Negros (SSTONE) kag Federation of Bacolod City Drivers Association Incorporated (FEBACDA) sa pagbaton sa mga operator nga luyag magsulod sa ila gintukod nga kooperatiba.
Sa interview sang Bombo Radyo Bacolod kay Albert Villanueva, Chairman sa SSTONE, anets pa man matapos ang bulan sang Disyembre sang tinalikdan nga tuig, nakapasa na sila sang letter of intent para magpa-consolidate.
Suno diri, nakahanda na ang ila mga dokyumento kag ginapreparar naman ang ila nga code nga sila makapadayon sa pagbyahe.
Ginpasalamatan man sini nga sila ginhatagan sang tion nga makaproseso sang ila mga papeles kun sa diin ginalauman na sini nga maka-umpisa na sila makapaconsolidate sa masunod nga semana.
Pahayag ni Villanueva, 100 percent sila sa SSTONE kag FEBACDA ang masulod sa consolidation.
Samtang, kun sila naman makapa-consolidate na, sila makapadayon sang byahe sang ila traditional jeepney tubtob sa duha ukon tatlo ka tuig basta ini road-worthy.
Bukas man sila sa ila gintukod nga kooperatiba nga magbaton sa mga operators nga luyag magsulod agud sa ini nga sistema tanan sila ang mag-isa kag mag-tililipon sa isa ka kooperatiba sang mga orihinal nga tradtional jeepney drivers and operators.
