Duha na ang casualty kag isa ang missing sa bug-os nga Western Visayas bangud sa nagapadayon nga pag-ulan dala sang Habagat kag mga bagyo.
Sa interview sang Bombo Radyo Bacolod kay Office of the Civil Defense 6 Regional Director Raul Fernandez, duha na ang napatay bangud sa ginpabaskog nga Habagat kun sa diin isa diri ang 67 anyos nga nalunod sa baha sa Antique samtang ang isa ang nagikan sa Guimaras.
Suno kay Fernandez, ang isa ka casualty nagikan sa ciudad sang Bacolod ang wala pa nadala sa ila report bangud ang status nga nabaton sang mga ini ang missing sa gihapon.
Santo sa report sang Office of the Civil Defense, sa Aklan may yara sang 9,166 ka pamilya ukon 36,640 ka indibidwal ang apektado sang Habagat kun sa diin 232 ka pamilya ukon 315 ka indibidwal ang yara sa sulod sang evacuation center; Antique 19,704 ka pamilya ukon 63, 216 ka indibidwal ang apektado kag 3,409 ka pamilya ukon 11,186 ka indibidwal ang nagapabilin sa evacuation center kag isa naman ang casualty matapos malunod ang 67 anyos nga residente sa baha; Guimaras may yara sang 33 ka pamilya ukon 99 ka indibidwal ang apektado sang Habagat kag isa man ang narekord nga casualty.
Sa Iloilo Province may yara sang 75 ka pamilya ukon 311 ka indibidwal ang apektado samtang 34 ka pamilya ukon 134 ka indibidwal ang nagapabilin sa evacuation center.
Samtang sa Negros Occidental may yara sang 22, 263 families ukon 73,795 individuals kag ang nagapabilin sa evacuation ang 3,099 ka pamilya ukon 10,238 individuals.
Sa Bacolod naman, 440 families ukon 1441 individuals kag 305 ka pamilya ukon 851 ka mga indibidwal ang nagapabilin sa evacuation center.
Suno kay Fernandez, may yara sang naguba nga taytay bangud sa padayon nga pag-ulan dala sang Habagat kag may dalan man nga nagkalaguba nga nagabalor sang P200,000.00.
